Erfðanefnd landbúnaðarinsFrétt
Senda fyrirspurn
Minnka letur
Stækka letur
In English

Tenglar

LANDSÁÆTLUN 2014-2018

ERFDALINDASETUR LBHÍ

 

STEFNUMÖRKUNARÁÆTLUN

ERFÐANEFNDAR 2009-2013

 

MÁLÞING ERFÐANEFNDAR OKT 2010

 

NordGen

 

GLOBALDIV

 

ELBARN

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

7.febrúar.2011

Upplýsingaöflun um einær og tvíær garðblóm

Mynd með frétt

Grasagarður Reykjavíkur í samstarfi við Norræna genbankann (Nordgen) og Erfðanefnd landbúnaðarins óskar eftir upplýsingum um einærar og skammlífar garðplöntur sem hafa verið í ræktun í görðum landsmanna frá því fyrir 1970. Þetta geta verið tegundir sem hafa erfst í gegnum kynslóðir, sérstakar tegundir sem menn hafa tínt fræ af og ræktað til útplöntunar í áratugi eða plöntur sem vitað er að hafi lifað hálfvilltar í görðum til langs tíma.

Vitir þú um svo gamla stofna af slíkum garðplöntum hefur Grasagarður Reykjavíkur áhuga á að fá að vita meira. Við höfum áhuga á að heyra sögur þessara plantna. Í hversu mörg ár hafa þær verið ræktaðar? Af hverju eru þær ræktaðar? Er eitthvað sérstakt við þær, eins og til dæmis blómlitur? Hver hefur ræktað þær, hvar og hvernig? Við hvern er hægt að hafa samband til að nálgast fræ og nánari upplýsingar? Það væri einnig mjög gagnlegt að fá myndir sendar af tilteknum plöntum.

Norræna erfðaauðlindastofnunin varðveitir fræ af ræktuðum plöntum fyrir hönd Norðurlandanna og vill gjarnan stuðla að varðveislu garðplantna. Sérstakir stofnar einærra og skammlífra plantna eiga hættu á að hverfa sjónum okkar ef ekkert er að gert. Því er von okkar sú að fólk skrifi okkur línu og deili vitneskju sinni með okkur. Meiri upplýsingar má finna á heimasíðu Grasagarðsins og Erfðanefndar landbúnaðarins .

Mynd:  Ilmkollur, Reseda odorata, var algengt sumarblóm á Íslandi um 1900. Ekki er vitað hvort hann finnist enn í ræktun á Íslandi. (tekin af heimasíðu Grasagarðsins í Reykjavík)

Til baka Byggir á LiSA - Eskill, Sharepoint, Veflausnir og Vefumsjónarkerfi


Leit

Leitarvél