Erfðanefnd landbúnaðarinsFrétt
Senda fyrirspurn
Minnka letur
Stækka letur
In English

Tenglar

LANDSÁÆTLUN 2014-2018

ERFDALINDASETUR LBHÍ

 

STEFNUMÖRKUNARÁÆTLUN

ERFÐANEFNDAR 2009-2013

 

MÁLÞING ERFÐANEFNDAR OKT 2010

 

NordGen

 

GLOBALDIV

 

ELBARN

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

24.ágúst.2009

Áhugaverðar ráðstefnur á vegum NordGen

Á döfinni eru tvær afar áhugaverðar ráðstefnur á vegum samnorrænu erfðalindasamtakanna NordGen.

Báðar ráðstefnurnar verða haldnar í Noregi.

 

Annars vegar er um að ræða opna ráðstefnu um nýtingu gamalla, norrænna búfjárkynja sem oftar en ekki eru á undanhaldi fyrir nýju og afkastameira búfé. Ráðstefnan tekur m.a. á viðfangsefnum eins og hvernig hægt sé að nýta afurðir og eða sérstæða eiginleika gömlu kynjanna og þannig auka atvinnutækifæri til sveita á sama tíma og stuðlað er að viðhaldi gamalla búfjárkynja sem annars gætu horfið.

Ráðstefnan um búfjárkynin verður haldin dagana 30.september – 2.október 2009 í Mæri í North-Trøndelag.

 

Nánar má lesa um ráðstefnuna, dagskrá hennar og skipulag á heimasíðu NordGen eða með því að smella á þessa setningu. Bent er á krækju vinstra megin fyrir þá sem kjósa að lesa á ensku.

 

Ráðstefnan um búfjárkynin tengist ennfremur sérstökum matarmenningardögum sem haldnir eru ár hvert á Mæri og ganga undir nafninu: "Mat på Mære".

Með því að smella hér má lesa um dagskrá þeirra daga.

 

Frekari upplýsingar um búfjárráðstefnuna er hægt að nálgast hjá Benedicte Lund með því að senda tölvupóst á netfangið: benedicte.lund@nordgen.org

 

Hin ráðstefnan verður haldin dagana 28.-30. september í Bergen. Á henni verður fjallað um hvernig náttúrulegir skógar á stórum landsvæðum á vesturströnd Noregs voru höggnir fyrir um 60 árum síðan svo hægt væri að planta þar öðrum trjátegundum.

Í dag er komið að því að hægt er að fella þau tré og nýta og nú vakna spurningar um framtíð landsvæðisins.

 

Á ráðstefnunni verður því glímt við áhugaverðar spurningar sem snerta landsvæði og framtíðarval á ræktunarplöntum í heimi þar sem binding koltvíoxíðs, nýting lífmassa, mikilvægi líffræðilegs breytileika ásamt breytingum í loftslagi skipta stöðugt meira máli.

 

Eins og fyrr er hægt að nálgast allar nánari upplýsingar um ráðstefnuna á heimasíðu NordGen. Þar er hægt er að finna upplýsingar um ráðstefnuna bæði á skandinavískri og enskri tungu (bent er á krækju vinstra megin á síðunni fyrir þá sem kjósa frekar að lesa á ensku). Smellið hér til að komast á síðuna.

 

Frekari upplýsingar um þessa ráðstefnu má nálgast hjá: Kjersti Holt Hanssen (kjersti.hanssen@nordgen.org) eða Tor Myking (tor.myking@nordgen.org).

 

Heimildir fengnar af heimasíðu NordGen; www.nordgen.org

 

Til baka Byggir á LiSA - Eskill, Sharepoint, Veflausnir og Vefumsjónarkerfi


Leit

Leitarvél