Erfðanefnd landbúnaðarinsFrétt
Senda fyrirspurn
Minnka letur
Stækka letur
In English

Tenglar

LANDSÁÆTLUN 2014-2018

ERFDALINDASETUR LBHÍ

 

STEFNUMÖRKUNARÁÆTLUN

ERFÐANEFNDAR 2009-2013

 

MÁLÞING ERFÐANEFNDAR OKT 2010

 

NordGen

 

GLOBALDIV

 

ELBARN

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

22.mars.2010

Erfðafjölbreytileiki innan íslenska geitastofnsins: Meistaraprófsvörn við LbhÍ

Mynd með frétt

Birna Kristín Baldursdóttir ver meistaraprófsritgerð sína við Landbúnaðarháskóla Íslands þann 24. mars n.k. á Hvanneyri kl. 14:00. Titill ritgerðarinnar er: Erfðafjölbreytileiki innan íslenska geitastofnsins „Genetic variation within the Icelandic goat breed assessment using population data and DNA analysis”. Prófdómari er Dr. Ólafur Dýrmundsson ráðunautur hjá Bændasamtökum Íslands en í meistaraprófsnefnd eru Jón Hallsteinn Hallsson lektor og Þorvaldur Kristjánsson sérfræðingur báðir við Landbúnaðarháskóla Íslands. Áslaug Helgadóttir deildarforseti stýrir athöfninni.

Íslenski geitastofninn er lítill lokaður erfðahópur sem telur á milli 500-600 dýr í 45 hjörðum. Talið er að landnámsmenn hafi flutt geitur með sér frá Noregi um 870-930. Vitað er að stofninn hefur gengið í gegnum nokkra flöskuhálsa og tvisvar hefur stofninn farið niður fyrir hundrað dýr. Í rannsókn þessari var erfðafjölbreytileiki innan íslenska geitastofnsins metinn bæði með ætternisgögnum og DNA greiningu. Matið byggðist á þremur aðferðum. Í fyrsta lagi voru ætternisgögn notuð til að reikna skyldleikaræktaraukningu, ættarstuðul, ættliðabil, virka stofnstærð, erfðaframlag helstu ættfeðra og mæðra ásamt skyldleika milli og innan svæða. Í öðru lagi voru örtungl notuð til að meta fjölda arfblendinna einstaklinga og virka stofnstærð út frá erfðamörkum. Í þriðja lagi var hluti hvatberaerfðamengisins, D-lykkjan, raðgreind til að meta erfðafjölbreytileika og skiptingu stofnsins.

 

Eftirfarandi frétt var tekin af heimasíðu Landbúnaðarháskóla Íslands og hægt er að lesa nánar um niðurstöður verkefnisins þar.

Til baka Byggir á LiSA - Eskill, Sharepoint, Veflausnir og Vefumsjónarkerfi


Leit

Leitarvél